Şähdaçyklygyň sebäbi

Şägirtleriniň biri Sokratdan:
­– Men hiç mahal seniň keşbiňde gam-gussa alamatyny görmedim. Seniň mydama şähdiň açyk. Şonuň sebäbini düşündirsene! – diýip, towakga edipdir.
Sokrat oňa şeýle jogap beripdir:
–         Sebäbi ýitirenim üçin gynanar ýaly meniň hiç hili üýtgeşik zadym ýok.

Syr

 Aristotel bir gezek Aleksandr Makedonla şeýle öwüt beripdir:
– Içki syryňy hiç mahal iki adama aýtmagyn. Sebäbi bardy-geldi, seniň şol syryň paş bolaýsa, onuň iki kişiniň haýsy biriniň günäsi bilen paş bolanyny anyklap bilmersiň. Eger sen olaryň ikisine-de jeza berseň, onda syryňy pynhan saklan adamy ynjydarsyň. Eger-de, olaryň ikisini-de bagyşlasaň, onda bigünäni kemsitdigiň bolar, sebäbi ol seniň ýalkamagyňa mätäç däldir.

 «Edebiýat we sungat» gazetinden.